| Author |
6月28日高班賽分析(第十場)+女人街歐洲菜式評論---河馬仔專欄 |
河馬仔hiphip3678
註冊於: 30/08/2004
發帖數目: 6147 |  發表於: 2008-06-28 on 00:55
近年來之女人街,已經唔係十年前,小弟仲係十零歲時之舊樓舊舖.現在除左路中仲有好多路邊檔外,道路兩旁的餐廳越開越多,而且越開個門面就越豪華,有時仲勁過D商場舖,當然好多時食野都價錢不菲,今次去左間夜晚有D餐的歐洲餐廳,英文名叫DXTES..........(個X就自己估下邊個英文字啦)
佢地夜晚有個餐大約五十幾蚊,有湯有主菜有野飲,我同我阿爸一齊試試,因為散叫又好似唔係好抵,要兩個餐試試先!
先來一個湯,羅宋湯大家都知太酸太甜太辣都會似天拿水,佢個湯好彩夠酸夠辣但唔過火,夠椰菜夠蘿蔔,食落有層次,加埋個鬆軟的麥包送湯就幾滿足
到到主菜啦,可能米貴,個餐跟飯要加約十皮.嘩!,同酒樓D絲苗白飯差唔多價,但因小弟係大飯桶,加上個晚仲要上堂,都叫埋會好點.我爸爸要左個牛扒,算係JUICY加上唔係硬,雖然唔係太過厚,但還可以接受.不過最吸引都係個薯角最好食,炸得剛剛好,好香,D香味入到喉嚨留得好耐,唔駛點茄汁都好好味..........
至於我要個豬扒配飯,個燒汁都幾好送飯,但可惜塊豬扒太薄,味足但唔多夠食,當然回家都係要食個蛋榚仔先夠飽,係有不足之處...........
最後要左杯凍奶茶,茶味夠,加上小弟又唔係咁鐘意飲太多奶,最好係佢仲有少少泡沫係面,飲落順喉已經足夠.
最後自己為食,加多近廿皮要左個心太軟,心太軟大家都好可能知係乜,就係一個朱古力蛋榚包於一堆熔左的朱古力醬,加埋一個雪榚球,咁又係有熱有凍,撈埋應該幾好食.
整穿左個朱古力蛋榚,一句講哂,好似流血不止咁,D乎古力流到成碟都係,見過個雪榚極快熔哂,可惜.味道唔太甜其實係可以接受,但如D朱古力整得杰點點可能個賣相同埋食感會好些.
一間可以再進步之餐廳,出品係有心但可以更好,期待未來會更有進步,算係可以值70分,期待進步.........
第10場 第二班 1200米 沙田草地 75-95
1.藍基因-雖然上場大外檔跟本冇得追但其實佢又好快入到欄,就算唔阻都係冇乜威脅.跑田草會差點加上潘頓都騎第二隻下,班分已盡加上火氣僅保持下唔多抵博
2.星運伯爵-上仗蝕位頗多其實追得都算唔錯,但可惜操練踱步火氣欠佳加上A+3跑道排外疊都係同上次差唔多
3.帝聖名駒-跑極都冇來威脅,上場形勢頗賺但轉彎冇耐就力弱下.晨操就算見爽番點都買唔過
4.魄力王-雖然話隻馬好似唔多識跑草地但睇落隻馬係一向太過急口,故此贏個幾次都要中途放甩先有.今次好可能有贏得叻威威財星會搶放,而且其一檔進可攻退可守,燥火已收歛可博冷W
5.錢途光明-拍祝福滿滿一來跳輸,二來跳落極為重身,加上毛色暗淡下,傷病高分馬有排先跑得番
6.神州之星-在外地博得唔少而且贏到之對手多係普通之輩,加上在港試閘上力不足加上操練唔多看來有排減
7.又快又勁-晨操仲係肥淋而且上場衝落其實仲比勝利雄威差,所以都係機會略差
8.贏得叻-排檔奇差加上內疊有隻威威財星好難殺到埋欄,狀態有緩進但形勢太過不利下要唔落
9.英明大師-上場其實擺明唔夠跑但用力都相信唔少,但長途馬跑千二點都唔會係至勇名駒啩,拍超勁精神落腳都係普通而已,減分格
10.最佳孖寶-右前腳不良於行後狀態操練頗悠閒,加上狀態仍然未夠銳下,不如等下年才博仲好
11.怒火優勢-雖然上戰係有回少少走勢但其實對手多唔得之輩,今場其實對手非太差下千二明顯嫌短,就算狀態有回水準下都係要博佢出閘好點先得,否則好難追
12.威威財星-隻馬晨操用儀仗馬拍住行路開始教到隻馬定定地,今仗望用大師傅可操縱到其前速下係需要留意
13.好味皇-其實練馬師一路部署佢跑轉彎路程,上場開始見佢蝕盡位都近已漸漸見長力,今場檔好可以有機會搵到遮檔下可趁地利走入一席
14.悅璐孖寶-柏寶肯跳一課已覺有點出奇,隻馬晨操收身唔少加上出腳已經冇咁稚嫩.加上上場在不利之情況下還能追得如此近,小心磅輕可掃
是場心水:4.魄力王-14.悅璐孖寶-13.好味皇-12.威威財星
  ![]() 
|
MML
註冊於: 05/04/2003
發帖數目: 5650
| 發表於: 2008-06-28 on 02:56
通菜街 近登打士街, 有間 DiF 餐聽, d 嘢都唔錯, 屬旺角區中上價錢, 等河馬仔評吓。 
|
河馬仔hiphip3678
註冊於: 30/08/2004
發帖數目: 6147 | 發表於: 2008-06-28 on 09:42
Quote:
|
On 2008-06-28 02:56, MML wrote:
通菜街 近登打士街, 有間 DiF 餐聽, d 嘢都唔錯, 屬旺角區中上價錢, 等河馬仔評吓。
|
|
好,下次一家試試再影下相
![]()
|
河馬仔hiphip3678
註冊於: 30/08/2004
發帖數目: 6147 | 發表於: 2008-06-28 on 17:15
今日真係輸...........
![]()
|
|
登入
會員登記
