|
| Hi Anonymous
| | 免費會員登記
| | 如有任何疑問,
按此可直接與船主聯系。 | 歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,700 元 正, 人 民 幣 1,600 元 正 。 月 費 費 用 為 港 幣 350 元 正, 人 民 幣 300 元 正 。 各 會 員 可 以 經 Fax 或 網 上 申 請,方 法 請 查 看 登 記 辦 法
|
|
|
|
| |
|
Author |
2008年9月15日賽馬日高班賽分析+新番漫畫介紹(河馬仔專欄) |
河馬仔hiphip3678
註冊於: 30/08/2004 發帖數目: 6147 | 發表於: 2008-09-14 on 00:53
新一季又開鑼,在此預祝各位馬迷場場勝利,馬運亨通!
今年年中馬季休息期間,小弟都係睇下書同睇下漫畫打發下時間,因為小弟多數唔想等,所以都好想先睹為快睇日本即出的漫畫,今次就講下兩本新出的漫畫.........
第一本都切合番賽馬題目的漫畫,這本題目名パカ☆RUN ,原案為黒乃奈々絵,作畫就由中林嵩晶負責.眼看封面係一位持刀美女,其實漫畫內容就係講女主角佐佐木因父親欠債,結果要去參加地下賽馬策騎,即係騎師拿住武器跑馬,中途鬥打鬥快到終點.雖然睇緊第一集都覺得可能係誇張點,但在賽馬漫畫題材之中算係新鮮........
在日本定價為562YEN另加稅,小弟在香港的日資百貨公司買好似要約七十港元
第二本當然要講的係剛剛在日本出的LUCKY STAR第六集四格漫畫.呢本近年風靡日中港台漫畫迷的漫畫終於出爐,當然呢本只係普通本,而且入面有些內容都在月刊コンプティーク連載緊,今集講緊泉此方等四位主角都就來畢業,究竟又有乜笑料?柊鏡又有乜吐糟金句?一些配角中又有乜野特別小故事?日文版發行日9月10日但小弟9月12日都可以在香港買得到,希望港版都快點有啦!
在日本定價為760YEN另加稅,小弟在香港的日資百貨公司買好似要約一百港元.......
另外仲有LUCKY STAR OVA在9月26日發行,今次單張有長門風的泉此方同埋初音風的柊鏡.....非常期待今次OVA更加好睇啦!
此動晝都算厲害,因為動晝中有講柊家在鷹宮神社幫手,有傳係用埼玉縣鷲宮神社做參考,結果此動晝人氣標升後,FANS極多,究竟FANS有幾多?此動畫在國內又有乜影響?小弟在日本產經新聞網內查過鷲宮神社,結果出了好幾篇同此動晝有關的新聞,最新有一篇講當地節日慶典都有受LUCKY STAR的影響,相信大家睇完就會知LUCKY STAR的FANS有幾喜歡此動畫啦,亦相信動漫畫的影響力都可以好廣泛,大家不妨留意一下個段新聞啦^_^
第4場 第一班 1200米 沙田草地 95-120
1. 勝利飛駒-試閘狀態尚算不俗加上實際上對手非強,雖然負頂磅加上千二略短,但此馬點都會衝一段下用回白德民會較見習生合發揮要拖做T腳
2. 青蝠王-雖然在外地都能與外國馬競爭但近期晨操試閘隻馬均較以往搶口,在田草負頂磅理應不及窄場下可以放棄
3. 燦惑-班數應有但馬身極肥下遠離水準
4. 寶樹友盈-明顯此程未及一千穩陣加上今場對手相對較強下,除非前段冇馬放否則好難捱到,狀態算合格精神
5. 安畋-雖然此馬看來里程都差唔多,但狀態操落有回往年水準加上今次再有內檔下,今仗可借對手狀態不足下一博位置
6. 皇帝出巡-上場跑落都發揮得非常出奇地好但可惜今場繼續排外檔加上換了配搭下都已經略為不利,狀態拍跳後有所不及下要減分
7. 心中有理-長期忠心之馬狀態一路都KEEP得唔錯,此程又冇乜問題下又有內檔Q膽略宜
8. 威利多多-此馬質素唔會有任何疑問,但今仗排內檔未必咁有利,加上對手毫不弱下如大熱門便極為不值,論狀態試閘及晨操算係八九成水準
9. 大富之星-榮仔單跳一課見到出腳極辣而且身輕有力,此程都已經證明冇問題下爽馬做膽冇難度
10. 再勝多-雖然此馬往年極準但單論狀態出腳相對唔夠爽同埋唔夠力度,加上馬身色水未夠深潤下明顯要熱身
11. 璐悅-雖然谷草短途見近但明顯此馬係中長距離較佳,加上狀態毛色皆僅五六成而已,今場熱身居多
12. 常歡笑-往年季尾已落下坡,晨操狀態仍未見好下今季可能要回氣.
是場心水: 9. 大富之星-7. 心中有理-5. 安畋-1. 勝利飛駒
第7場 第二班 1400米 沙田草地 80-100
1. 勇將軍-此馬外地千四米績佳,雖然往年在二千才近但實際上上年季尾一場算係跑得唔錯,狀態試閘可能路短才舉鞭但出腳尚好下可趁對手弱偷雞
2. 大將風範-點講隻馬都唔係叻得去邊,試閘一課力度好像未見增強,今場幸有內檔還可作T腳但重注非宜
3. 帝聖龍駒-又係唔多叻之馬仲要排外檔,除非好運地又可埋欄慢放,否則機會都係普普通通
4. 合力齊心-拍新威一課可輕鬆地一氣衝過拍檔而且相對地精神,舊年一唁用得唔多下對手今場乜都有下應能企得穩
5. 又快又勁-雖然此馬地淋會比較好而且馬身甚為圓潤,但對手真係弱之下如留後跑一段都應該會有威脅
6. 盛世歡騰-試閘推落都毫無反應加上四肢生硬過冰格月餅下有排試
7. 秘密行動-試草閘狀態自由鳥比佢好得多,估唔到過完暑假可以肥左咁多個碼下,好似有點肥到唔多想跑咁,可以不理
8. 不老英雄-田草未必唔識跑但千四相對較促,再者單跳一課神色皆平淡下,冇乜進步
9. 魄力王-操練一點都唔急似寓賽於操
10. 好計劃-出腳力度比上季勇銳加上馬身算輕身狀態九成,但考慮到此馬有機會出閘緩慢下拖腳較穩
11. 英明大師-跑長點才算,狀態仲未起
12. 神州之星-試閘晨操仍舊未夠力度水準,唯獨稚嫩感有所減少而已
是場心水: 4.合力齊心-1.勇將軍-10.好計劃-5.又快又勁
第8場 第二班 1000米 沙田草地 80-100
1. 極奇妙-此馬都係差唔多料其實去到呢個分已經接近到頂,今仗實際上對手極強仲要負到頂磅難矣
2. 奇異福星-去完外國後狀態開始有點回復到合理水準,但田草真係唔多夠跑下一千直路都係開下氣
3. 非我莫屬-總係覺得佢有點卡加小子之影子但現時一千都係睇多幾場才安全,狀態開始有點轉好
4. 愛馬寶-狀態晨操唔見順暢加上毛色暗淡未夠,仍然未熟之下就算一千曾近都要諗諗
5. 開心之星-自水仲淡過寵物店隻沙皮,老馬真係用得太多啦
6. 步步勝-呌得好耐之馬不停辣操後漸漸上力,看狀態見有回往年水準,已經回勇之馬其實可拖
7. 勇士-上年力撼直路賽一場不敵好可能係狀態未夠,點講跑谷草一場估計都係熱身才敗,暑假晨操冇任何問題見到不妨捧場
8. 鷹闖-上場季尾西哥騎到沿途三四疊都係僅敗真係得啖笑,跑直路對此馬會較容易要兼顧,唔試閘都未必係有問題
9. 盈綵-用見習生輕飄飄加上此馬較聽話唔係問題,奈何此馬真係二三班升降機材料,今仗對手非常強下唔覺會有力爭勝,狀態八成左右
10. 帝聖名駒-志叔操完都推,試閘力度未足加上盛年已過遲點才諗
11. 團隊精神-狀態係會見到慢慢好轉但並未算修身得太好,跑田草又會威力打折扣
12. 孖寶神駒-一隻唔多鬥得之馬有馬一迫便多會退,不過此馬以往可以留後衝一段之下,今次唔用韋達仲有機會咁跑,晨操狀態跳落輕盈小心爆得
13. 高峰-點講上兩仗對手都係弱雞,不過仲算係見到有進步及水準,今次減磅極多加上馬身再壯下看來入Q機高
14. 驊中龍-晨操講真就真係冇樣好睇,現時狀態真係競爭力成疑,上埋二班就點講都唔多夠跑,等隻馬真係有回良好狀態才算
是場心水: 7.勇士-13.高峰-8.鷹闖-12.孖寶神駒
 
|
河馬仔hiphip3678
註冊於: 30/08/2004 發帖數目: 6147 | 發表於: 2008-09-15 on 11:12
是日河馬仔重心全餐Q全餐單T膽:
第二場:6.齊心得寶-大細閘均有水準,追勢已見唔錯,要防
第十場:12.果然好-馬雖然冇乜進步但狀態已做定,小心季初可用.
 
|
|
|
|
|
|
|
|