|
| Hi Anonymous
| | 免費會員登記
| | 如有任何疑問,
按此可直接與船主聯系。 | 歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,700 元 正, 人 民 幣 1,600 元 正 。 月 費 費 用 為 港 幣 350 元 正, 人 民 幣 300 元 正 。 各 會 員 可 以 經 Fax 或 網 上 申 請,方 法 請 查 看 登 記 辦 法
|
|
|
|
| |
|
Go to Page ( 1 | 2 | 3 | 4 下一頁 ) |
Author |
幫鼤插A唔該各位! ^_^ |
shwong
註冊於: 08/12/2006 發帖數目: 236 | 發表於: 2009-02-10 on 03:18
第一場隻 10號 超級財星 梁靜華會靜靜食、定等下一次?
魔兄幫手睇睇好嗎?(因為我賭了二十幾年馬,都重係唔識睇狀態)
Jimmy兄如果路過,留隻字丫,唔該!
今年最後嗰1蚊,我想買埋落去。
 
|
JimmyMa
註冊於: 29/09/2006 發帖數目: 5345
| 發表於: 2009-02-10 on 12:54
shwong賢弟, 我對超級財星嘅䏲法, 可分2點:
1) 練馬師-我對此廐冇乜好感, 操/谷馬手法不敢恭維, 賽前估敵又差, 就以得寶飛駒, 不老傳奇, 金鑽龍華等等為例, 所以我極少賭此馬房嘅馬. 至於此馬房嘅馬, 如果您認為隻馬已有班利, 又有狀態就可買番多少, 但如果像您喜賭大注W的投注, 就要小心, 因分分鐘會搏失, 跑過P或梗頸4. 所以此廐馬適宜一些"行騎樓底戴鋼盔"嘅人買, 就啱啦! 您咁钟意食大茶飯, 好似.....
2) 馬- 我從未買過此馬, 所以對佢冇乜印象, 但䏲上季萊騎2場出閘都好快, 父緣都好勁, 䏲動態就幾積極, 如果您認為對此馬有信心, 就不妨投注一些吧! 至於都爾, 今季嘅表現, 有目共睹, 走位取位都比前差左, 往住要飛出外檔黎衝走而蝕位.
Good Luck!
 
|
魔術師hkhorsetrack
註冊於: 21/09/2003 發帖數目: 3067
| 發表於: 2009-02-10 on 14:55
Quote:
|
On 2009-02-10 03:18, shwong wrote:
第一場隻 10號 超級財星 梁靜華會靜靜食、定等下一次?
魔兄幫手睇睇好嗎?(因為我賭了二十幾年馬,都重係唔識睇狀態)
Jimmy兄如果路過,留隻字丫,唔該!
今年最後嗰1蚊,我想買埋落去。
|
|
我出世二十幾年馬,我都認為自己唔識睇狀態......
這匹馬晨課向來是引人的, 所以無咩差的評語, 唯一詬病的是"急"..... 今次賽前亦同之前差唔多, 唯體重減番40磅是好事.
但你說到"今年最後嗰1蚊,我想買埋落去。", 這類重任, 我實在不想你以我上面的對話來決定
祝好運
 
|
shwong
註冊於: 08/12/2006 發帖數目: 236 | 發表於: 2009-02-11 on 02:20
首先多謝兩位既回覆,對攪攪震冇幫趁既小弟,你地都咁盡力回答,小弟真係無言感激。
1. Jimmy兄:你講既我十分認同,其實佢係我最討厭既練馬師,殘安都比佢好。但因為我重未去到夠能力賭馬房可以賺錢既地步(我剩係睇得掂大高、河涼、間中撞中 易搭),所以現在重係用中學生既方法選馬。其實我買超級財星唔係信佢想WIN,只係覺得佢放都未必輸得晒,搏佢爆呔,不過隔夜得d咁既倍率,可以慳返啦。
2.魔兄:你唔好同我開玩笑啦!我以前用你寫既狀態資料結合即日磅位,平均1場馬可以劃走5、6隻馬,命中率重要高達85%,幾神奇呀!魔兄如果你叫唔識睇,我諗 積奇 可以叫盲啦!我重記得當年隻 開心,唔係你講,我都買唔到佢爆大冷,131倍呀。
多口一問,雖然今年重有廿幾蚊嬴,但其實我現在既賽馬投注事業開始停滯不前,總係覺得爭感d野,我想應開始涉足馬房那一方面既知識,你地可唔可以指點下我哩一隻迷途老羊呀!(註:我唔係想聽馬房內幕消息,而係想知各馬房用什麼方法練馬致勝或點樣可以入馬房做工,冇人工都無關係架)。
 
|
RodRod
註冊於: 05/10/2003 發帖數目: 292
| 發表於: 2009-02-11 on 13:25
千其咪講"今年最後嗰1蚊,我想買埋落去"這類說話,好唔老黎呀。
小弟試過係賭場見人玩百家樂,將枱面見到既籌碼買晒落去,仲大大聲話:好!最後一鋪!小弟馬上買對家,結果呢?話明最後一鋪,梗係好行夾唔送啦。小弟都好多謝他。以後試過幾次類似情況,次次都搵到錢嫁。
 
|
晒馬samana
註冊於: 08/03/2006 發帖數目: 3635 | 發表於: 2009-02-11 on 19:18
梗頸四!
 
|
晒馬samana
註冊於: 08/03/2006 發帖數目: 3635 | 發表於: 2009-02-12 on 11:27
Quote:
|
On 2009-02-11 02:20, shwong wrote:
首先多謝兩位既回覆,對攪攪震冇幫趁既小弟,你地都咁盡力回答,小弟真係無言感激。
1. Jimmy兄:你講既我十分認同,其實佢係我最討厭既練馬師,殘安都比佢好。但因為我重未去到夠能力賭馬房可以賺錢既地步(我剩係睇得掂大高、河涼、間中撞中 易搭),所以現在重係用中學生既方法選馬。其實我買超級財星唔係信佢想WIN,只係覺得佢放都未必輸得晒,搏佢爆呔,不過隔夜得d咁既倍率,可以慳返啦。
2.魔兄:你唔好同我開玩笑啦!我以前用你寫既狀態資料結合即日磅位,平均1場馬可以劃走5、6隻馬,命中率重要高達85%,幾神奇呀!魔兄如果你叫唔識睇,我諗 積奇 可以叫盲啦!我重記得當年隻 開心,唔係你講,我都買唔到佢爆大冷,131倍呀。
多口一問,雖然今年重有廿幾蚊嬴,但其實我現在既賽馬投注事業開始停滯不前,總係覺得爭感d野,我想應開始涉足馬房那一方面既知識,你地可唔可以指點下我哩一隻迷途老羊呀!(註:我唔係想聽馬房內幕消息,而係想知各馬房用什麼方法練馬致勝或點樣可以入馬房做工,冇人工都無關係架)。
|
|
唔好意思搭下訕,小弟覺得shwong兄的事業心幾強,大有勾踐臥薪嘗膽的意志力,有志者事竟成.不過,中意食壽司都唔一定要做日本人……
雖則小弟目前對賭馬只是半玩票性質,並不能比倒d專業意見你,然小弟幾年前都有五六年時間專職賭馬,對賽馬投注事業停滯不前呢樣野有過較深刻的感受,在順手時大魚大肉,風花雪月,在失運時便總是覺得掙錢的速度跟不上花錢的速度,很容易便亂左章法,動搖了原則……
其實shwong兄至今仍有廿元的盈利,當已可算是贏錢的5%的馬迷之列了,能清楚知道成盤數,說明shwong兄對此事業係認真的,由此推斷shwong兄的選馬能力並不止於中學生水準了.或者稍為檢討一下投注方式或習慣便可豐衣足食了.
小弟覺得選馬的能力固然重要,但更重要的因素是理財能力, 選馬的能力再高,缺乏理財能力,最后結果大都是竹籃打水,尤其係無其他生錢回籠的全職業選手.而如果理財能力高, 選馬的能力略差,尚可長賭長有,當然,既能理財能力高,又是選馬能力高,便是貴不可言了.
講了一大堆”肺”話, shwong兄不介意就好了!
 
|
JimmyMa
註冊於: 29/09/2006 發帖數目: 5345
| 發表於: 2009-02-12 on 12:28
多口一問,雖然今年重有廿幾蚊嬴,但其實我現在既賽馬投注事業開始停滯不前,總係覺得爭感d野,我想應開始涉足馬房那一方面既知識,你地可唔可以指點下我哩一隻迷途老羊呀!(註:我唔係想聽馬房內幕消息,而係想知各馬房用什麼方法練馬致勝或點樣可以入馬房做工,冇人工都無關係架)。
shwong賢弟, 真係好嘅唔靈, 醜嘅靈, 財星誠意十足跑此場馬, 結果又係梗頸四, 希望您冇乜損失呢! 至於您覺賽馬事业停滯不前的諗法, 我諗您先要問一問自己, 您想贏幾多錢為目標, 因為每個人要求都不一樣, 例如有人祗要求一季有10-20%收入就心滿意足, 所以佢地專賭重P, 而我目標一季係要有1-2M收入, 咁您又要定幾多$為目標呢. 至於您現有廿个盈餘, 可先拿10個去買bluechip作長綫投資. Sam兄說得非常對, 一個人不懂理財, 就像那个看更佬贏了幾千萬, 現在又變回做看更, 這是一個活生生的教材, 您還要走的路很長, 至於您話想入馬圈揾食, 唔好䏲得咁簡單, 幾多以前做騎師, 現在做緊操馬/副練都欠外圍佬一身債, 唔係您䏲得外表咁風光嘅
 
|
shwong
註冊於: 08/12/2006 發帖數目: 236 | 發表於: 2009-02-13 on 03:36
首先多謝Rod兄、Sams兄及Jimmy兄的回信及指教,小弟受教了,多謝你地既告戒,其實我唔係輸到發悔氣,只係賭馬賭到好倦又冇乜進步,所以想休一休!
隔夜見財星20倍都冇,所以冇買落去。佢十次有誠意八成性無能!佢有誠意既馬,我又點敢買丫!
其實我經過上個馬季後,重點敢對賽馬有目標丫,但唔買返一兩蚊,又好似人生冇乜刺激,唔知做咩好。
老實講,今年雖然有啲錢賺,但過程之困難,真係咁二十幾年黎最辛苦,唔單只靈魂要忍,肉體都要忍,否則中風都似。
話說為左睇下自己識既野重有冇用,所以重新將以往自己肯定過既野,全部放棄再重新測試。咁買一場馬就開始好多野做勒,既要重新度實力、又要度形勢、又要睇狀態、又要分析操練,又要睇賠率,又要估練馬師想隻馬點跑,重要留意並估計即場跑道情況,騎師有冇訓著又唔可以忽略,磅位又唔可以唔理,未去到入閘,都唔敢買落去,但當選好晒後,要買落去既時候,先發覺斷左線買唔到,點解會咁?因為馬會個投注網頁為保護脆弱既投注人,如果係佢個投注網頁乜都唔做,未夠三十分鐘,就會通知你將於2分鐘內登出,如果按繼續用,又乜都唔做,再次未夠三十分鐘,今次就連提示都唔會出,直接同你登出,重唔會同通知你,費事令你分心。最慘既係,十次咁既情況,有六、七次都選中但又買唔到。我諗嗰種感覺,應該同女人小產的感覺可以比美,但女人一年最多小產一次,我呢,一年唔夠就差唔多小產七次 *_*。打去投訴,就叫你每15分鐘按更新一次。咁好啦,本來已經多野做,依家每15分鐘又再多樣野做,咁點專心度馬?真係頂唔順時打電話同馬會低聲下氣講:我投注就係想稍為危險一下,火星人又未到地球,可唔以唔好咁保護我,等我放任一下啦,佢又話唔得。唉!當你經常被逼去刷新馬會最短時間內進行投注既世界紀綠,就真係人都癲架!唔收手唞鵅A你話點可以生存落去。(話時話係度初初見到有人買馬時對住4、5隻Mon,覺得佢用哩C眼都應該睇唔晒啦,心諗條友九成九扮勁啫!依加先知道條友可能經常有小產既遭遇,唔買多幾隻Mon𥄫住馬會,真係被佢寵幸左都唔知。重有重有,有時我都唔明,究竟魔兄比我多幾多隻眼同時間,我睇一星期晨操已經成隻喪屍咁,佢可以玩足成季,重落哩評語,真係XYZ,點做架),有啲眼訓,就打住咁多先啦。
 
|
JimmyMa
註冊於: 29/09/2006 發帖數目: 5345
| 發表於: 2009-02-13 on 15:09
[quote]
On 2009-02-13 03:36, shwong wrote:
首先多謝Rod兄、Sams兄及Jimmy兄的回信及指教,小弟受教了,多謝你地既告戒,其實我唔係輸到發悔氣,只係賭馬賭到好倦又冇乜進步,所以想休一休!
隔夜見財星20倍都冇,所以冇買落去。佢十次有誠意八成性無能!佢有誠意既馬,我又點敢買丫!
其實我經過上個馬季後,重點敢對賽馬有目標丫,但唔買返一兩蚊,又好似人生冇乜刺激,唔知做咩好。
老實講,今年雖然有啲錢賺,但過程之困難,真係咁二十幾年黎最辛苦,唔單只靈魂要忍,肉體都要忍,否則中風都似。
話說為左睇下自己識既野重有冇用,所以重新將以往自己肯定過既野,全部放棄再重新測試。咁買一場馬就開始好多野做勒,既要重新度實力、又要度形勢、又要睇狀態、又要分析操練,又要睇賠率,又要估練馬師想隻馬點跑,重要留意並估計即場跑道情況,騎師有冇訓著又唔可以忽略,磅位又唔可以唔理,未去到入閘,都唔敢買落去,但當選好晒後,要買落去既時候,先發覺斷左線買唔到,點解會咁?因為馬會個投注網頁為保護脆弱既投注人,如果係佢個投注網頁乜都唔做,未夠三十分鐘,就會通知你將於2分鐘內登出,如果按繼續用,又乜都唔做,再次未夠三十分鐘,今次就連提示都唔會出,直接同你登出,重唔會同通知你,費事令你分心。最慘既係,十次咁既情況,有六、七次都選中但又買唔到。我諗嗰種感覺,應該同女人小產的感覺可以比美,但女人一年最多小產一次,我呢,一年唔夠就差唔多小產七次 *_*。打去投訴,就叫你每15分鐘按更新一次。咁好啦,本來已經多野做,依家每15分鐘又再多樣野做,咁點專心度馬?真係頂唔順時打電話同馬會低聲下氣講:我投注就係想稍為危險一下,火星人又未到地球,可唔以唔好咁保護我,等我放任一下啦,佢又話唔得。唉!當你經常被逼去刷新馬會最短時間內進行投注既世界紀綠,就真係人都癲架!唔收手唞鵅A你話點可以生存落去。(話時話係度初初見到有人買馬時對住4、5隻Mon,覺得佢用哩C眼都應該睇唔晒啦,心諗條友九成九扮勁啫!依加先知道條友可能經常有小產既遭遇,唔買多幾隻Mon𥄫住馬會,真係被佢寵幸左都唔知。重有重有,有時我都唔明,究竟魔兄比我多幾多隻眼同時間,我睇一星期晨操已經成隻喪屍咁,佢可以玩足成季,重落哩評語,真係XYZ,點做架),有啲眼訓,就打住咁多先啦。
[/quote
shwong賢弟, 依個問題好簡單哩,您點解唔用電話投注呀? 您係大户, 當入閘開始時, 您就打通電話俾埋密碼佢, 佢叫您投注, 您叫佢等一等, 直至您决定買乜才同佢講, 如決定唔買, 就可收線或同佢講唔買啦. 佢唔敢窒您嘅, 您係大户喎
 
|
|
Go to Page ( 1 | 2 | 3 | 4 下一頁 ) |
|
|
|
|
|
|