河馬仔hiphip3678
註冊於: 30/08/2004
發帖數目: 6147 |  發表於: 2009-03-31 on 23:25
由於未來一星期小弟會出外旅遊一個星期,故此未來兩次賽馬日將會休息兩次啦,希望旅行後能再如大家分享一下旅遊心得啦!
講下食先,今次講下呢度可能冇人知呢度係有間意式餐廳,呢度係葵青劇院啦!
餐廳名未叫做"QU乜"(個'乜'係一個英文字母),係一個有戶外有戶內之意式餐廳,環境總算唔錯,特別係戶外,有風吹下都幾舒服..........
今次講下兩餐午餐先,先講第一餐,試左個香辣燒牛柳配青豆飯.........
先來個餐湯先,上面都加有少少CREAM,此粟米湯飲落都幾多料,而且都算熱辣辣而味道幾濃,但重點卻落在個餐包啦.........
係雜錦包啦,有至少兩三種不同之麵包任您食,當中我最鐘意係點湯或點一些意式橄欖油醋吃,食落確係能有唔同之感覺.
來到正餐啦,雖然牛肉唔太多,但個牛仔柳確係幾嫩幾腍,肉汁算係鎖得唔錯,食落都JUICY.不錯不錯.個青豆飯係我第一次食,食落好似一粒粒咁,熱辣辣又軟綿綿都發出啖啖豆香.而配小小辣的牛仔柳又係幾夾,有埋少量配菜點綴又算係不俗..........
埋尾有個甜品,有兩個蛋榚仔,算係幾得意,一個士多啤梨一個係朱古力,雖然食落唔係真係太過特別,但個賣相同食味都算係有預期水準,至少係唔失望
最後來杯熱啡,一來夠熱,二來咖啡味道算中規中矩,咖啡香尚夠香,而配個杏仁餅又係有點特別,小弟稍嫌個餅有點硬,但浸落杯咖啡後腍番點,連咖啡一齊飲又有點另類香味出來........整體個餐可俾80分
第二餐啦,要左個意式豬柳卷伴黑松配紅酒汁........
今次開始有個南瓜湯,夠熱夠南瓜甜味,呢個配麵包我覺得更合............
講番個正餐先,點講小弟雖然食過黑松的產品,如朱古力,黑松露油煮的東西,但其實小弟都唔係好知乜味,所以呢個餐我真係講唔到黑松味係點.........
講下個豬肉卷,個豬肉煎得頗香,入面係卷住D類似薯蓉之物,食落都算香口,而且量尚多,加埋有配菜就一點都唔覺肥,而個汁又可輕輕帶出味道,如多點配菜會更好啦!
最後都係有甜品(蛋榚兩件)同埋熱咖啡,蛋榚個款有點唔同啦...........味道都係同上餐接近啦........個餐我俾80分啦
是日河馬仔八場心水選擇:
第一場:
2.信賴-胡廐成晚出得一隻,此馬大前仗仲可以同永勝多一齊衝仲要最後一百同隔離馬撞,只要呢個質素跑得番八成照計都夠呢棚馬跑.此程可能會嫌短但今場遺才賽下確係實力最好一隻下,冷門要防
是場心水:
2.信賴-6.大勇-8.龍武軍-12.新意思
第二場:
2.快步速-老馬已經三場連續跑外疊基本上對此馬一定蝕唔起,晨操仍有火氣個檔變番好一點,希望趁今戰對手大多弱得交關,捨短取長下有望一爭
是場心水:
2.快步速-3.鋼意-9.當旺-10.金大人
第三場:
4.幸福得寶-始終此馬落回五班較在四班穩陣得多,奈何之前博得太多晨操真係有點疲態不過收身出腳之力仍有八成水準.今次有回好檔加上今戰快馬極多,只要沿欄順走基本上都係勝望壓一,今場如果都贏唔到及後要贏都可能更難
是場心水:
4.幸福得寶-1.翠妙星-5.好心情-7.靚太陽
第四場:
5.寶威威-復出後連續幾次狀態欠佳結果勤跑後收身已足而且慢踱力度硬朗,而且燥火已失,谷草有賽績,已覺變身之馬冷門伏兵
是場心水:
5.寶威威-3.消費王-8.燈膽寶-12.多津美
第五場:
1.赤膽雄威-始終谷草試過都唔算差明顯算係識跑此窄場,韋達親跳兩段馬身雖然仲可以收得好點不過力度一點都冇減弱.今場對手大多四班夠而唔超之馬補中良機
是場心水:
1.赤膽雄威-2.精算大師-4.火耀雷霆-8.甜蜜福星
第六場:
2.好開心-東廐用棠仔跑廐內馬偶爾都會如歡樂滿堂般有好表現,其實上場好多隻跟前之馬都接近全部斷哂,唯獨佢可以頂得住算唔差.今次拍萬事喜走落終於力度番哂來.加上雖然此馬未跑過谷草二千二但佢其實係越級跑過二千四之皇太后盃,此馬仲要有樣野好係可以守好位衝,唔好因為十一檔而當佢冇到
是場心水:
2.好開心-3.喜威寶-11.動力-12.好知己
第七場:
7.團隊精神-上場接近一入直路已經見騎師係度搵位衝但搵極都搵到,真係塞足一大條直路,否則應可給予超班馬孫子奇兵有威脅.今場快跳已見爽朗非常,老馬分已減到夠係時候可施回馬槍
是場心水:
7.團隊精神-3.常山鳳寶-5.神勇將軍-6.嘉飛
第八場:
4.驃驥王-上場休息過後留到咁後仲要大外疊轉個大彎,咁跑都唔係輸得太遠真係意料之外噃.對手明顯上次強得多,今次如前面真係有一堆馬放得快應該對佢好有幫助,白生試左課草閘最後四百真係有俾少少下,此馬即時交到良好反應,狀態回勇得真係頗快,今次谷草對手明顯較弱下如有如此進幅確係對此忠心馬來說係有贏面
是場心水:
4.驃驥王-3.卡加小子-6. 世界波-7.得寶飛駒
  ![]() 
|
登入
會員登記
