河馬仔hiphip3678
註冊於: 30/08/2004
發帖數目: 6147 |  發表於: 2009-07-09 on 00:39
又到暑假冇馬跑,小弟除了都會在香港到處搵好野食之外,睇漫畫都係小弟之工餘之活動之一,而小弟多數喜歡看日文版的,因為可以一便睇一便學日文一舉兩得(不過剛剛考完之一級日文試都係瓜多過菜...................)
講番今次個兩件動漫物品,先講係<涼宮春日之憂鬱>今年4月30日出版的<春日主義>畫集,小弟起初都唔捨得訂,因為價錢都唔平,幸好季尾最後一日賽事中左好友福$50全餐Q,所以真係唔忍得唔買.(雖然將中左之一半及後都買左隻精彩全餐連贏中埋,但不幸的係最後將贏了的一半買哂落隻印度光輝連贏............結果冇左好多罐鮑魚).....................
今次的畫集係いとうのいぢ的涼宮畫集之專輯,其實就是鼎鼎大名之插畫師伊東雜音,相信大家在上年動漫節都可能有她的簽名啦.
今次打開這本畫集,全彩的,畫集入面係以往伊東老師為<涼宮春日之憂鬱>系列畫之插畫,內有約百幾頁,頗為充實,身為涼宮粉絲的我覺得唔貴啦.
當然伊東老師的畫風一向給人的感覺係女方都充滿帥氣,雖然臉孔方面唔係畫得超級細膩,但衣服裝飾之類卻畫得頗為仔細,而且我覺得她的畫都帶有少許油畫風,所以我認為此畫集中畫得最好的就是長門有希啦.
此畫集小弟在信和商場地下買的,$270...結果還是買來留念啦!
當然第二樣會評論的便是春番大熱動畫啦,動畫方面日本由TBS為主放送,而日本漫畫單行本由芳文社發行,而香港由尖端出版.漫畫版係由KAKIFLY主理,內容為四格漫畫.
當然故事很多人都清楚,就是四位高校女學生組成一個<輕音部>夾BAND的故事,雖然故事都係以校園故事為骨幹,但可能係因為有了<幸運星>的出現,變了今次的四格漫畫都唔覺有乜問題,再者當睇日文版時會發現,<幸運星>的故事有時會較複雜及貼近日本之現時文化,反而的故事較有連貫性及用字較易明,可能會較受亞洲普羅漫畫讀者歡迎.
整體上動畫及漫畫之故事骨幹冇乜分別,就算係漫畫第二集都同動畫之劇情接近,不過如大家留心的話,會發現動畫一方可能因為唔想故事太短或碎的緣故,有些劇情係有點微調的,而漫畫一方卻係以幾個四格漫畫做成一個單元故事,這樣的設計又真係各有各好,故此話係今年日本春番動畫大熱之作我都覺得不無道理.
再加上人物設計幾有心思,都有幾分似<幸運星>(雖然不能盡然),如主角平沢唯懶散天然之性格都幾似柊司,不過佢又帶幾份搗蛋,作為主角之設定就非常有賣點,再加埋另一個似足泉此方般攪鬼之女主角田井中律,令到劇情更有可塑性.
而另兩名做事非常認真的主角秋山澪加上及後出現之中野梓,再加上大小姐之琴吹紬,大家夾BAND時出現之笑料又確係令讀者會會心微笑,更會令讀者諗起中學時同同學一起組活動時之點滴.
故事當然係有點誇張,但講真佢節奏明快加上唔無聊之笑料好多,睇了兩本漫畫後又會回想到以往自己中學時的情景,小弟非常喜歡啦.
奈何日文版單行本之前在香港都唔係咁易買得到,小弟要週圍搵,去唔同地方訂先有.而小弟在灣仔都開始見到有青年及白領都拿住中文版第一期之看,可能遲點會在香港如涼宮春日般大受歡迎啦!
雖然呢D都唔係乜野新聞,但希望未來能再有機會和大家討論動漫資訊啦,在此多多指教啦.
  ![]() 
|
登入
會員登記
