河馬仔hiphip3678
註冊於: 30/08/2004
發帖數目: 6147 |  發表於: 2009-07-18 on 00:03
講起流浮山,地點位於天水圍以西,雖然地點偏僻但一講海鮮一定要講呢度.當然在1970-1980年代此處盛產蠔隻,但可惜經過及後之海水污染,問過一些老人家都覺得以往的蠔隻味道較鮮及大隻,當然往事只能回味,但幸好現在仲係有蠔隻供應.
當地除了食肆之外,還有一些魚檔,海味檔及小食檔之類,小弟有時都會買一些蝦醬蠔豉回家做餸.
其實流浮山海鮮店極多,當然有些店水準較良好,今次小弟就講其中自己會選擇之一間.
首先一定係來煲海鮮湯,差唔多係在流浮山食海鮮晚餐必有的,此湯味道如鮮魚湯,一點都唔腥,加點點胡椒粉便可順下喉.
當然食海鮮係要來支啤酒再順下喉啦,這支新類無醇啤酒飲落味道較淡
海鮮餐都係時候要出閘,先講最快出閘的蟶子,蟶子大家食得多,此貝類動物形狀長薄,又叫縊蟶,多數在軟泥灘生活,有兩條水管作食及排出廢物.香港多處有售,食法最正宗都係豉椒炒,今次一食落去真係唔停得口,真係鮮到頂唔順,真係三個人食一碟都唔夠,炒多碟再食過,正到爆!---99分!
第二樣出閘就係蒜泥粉絲蒸大扇貝,新鮮的扇貝肉地較實在,味道肉汁充滿海水鮮味,而加上蒜泥食確係相得益彰,食落仲要啖啖肉調味又夠---90分!
第三樣就係蜜汁金蠔,這個有點可惜,因為原來蠔之當糙期在秋冬時,現時之蠔較細隻同冇咁肥美,所以都唔可以用薑蔥煲,期望秋冬時再去食過---70分
第四樣係辣酒煮花螺,辣味濃而且螺肉夠厚,送酒良品.---90分
第五樣係大班兩味,本人較喜歡油泡頭腩夠過清炒,油泡整到骨酥香脆,加上皮厚,以油泡處理真係更勝一籌---88分
第六樣係郊外油菜,食了咁多肉都應該添番條菜,都幾大棵同碧綠---80分.
第七樣係個鹽焗奄仔蟹,肉肥美,羔多,當然沒有如黃油蟹般"爆"羔,但講真鹽焗出來的香味都已令蟹本身之肉及羔香氣四溢,加埋點點鹽提升下味道---85分.
最後有個橙比大家過下口,最尾都有些食唔哂拿回家第二天再煮回食,埋單$1260,但有咁多平時唔係咁易在市區食到之新鮮海鮮食,覺得有另一番風味,下次有機會的話再講下第二間之海鮮餐啦!
  ![]() 
|
登入
會員登記
