河馬仔hiphip3678
註冊於: 30/08/2004
發帖數目: 6147 |  發表於: 2009-08-22 on 21:58
由以往非常受歡迎之潮式打冷,到現時非常多的潮式酒樓,當然要找一間好吃的其實唔係太易.小弟自己都是半個潮州人,由細細個在上環已經食慣潮式粿品鹵水之類,到現在還是對潮州菜情有獨鐘.
今次便會講講其中一間小弟要讚的菜館,位於灣仔合和中心之醉紅樓.
出去食鹵水拚盤最驚就係唔乾淨,特別係鵝腸,此店之鵝肉鵝腸掌翼真的要讚,大家可睇睇鵝腸內外整得非常乾淨,而且爽口而鹵水味足夠,已經給了我驚喜.鵝肉都弄得軟滑,再加上最喜歡的鵝掌及豆腐,送啤酒,爽!
家鄉煎蠔烙,加些少胡椒粉魚露,因為煎得香再加上蠔仔夠肥但唔油,要向上直豎姆指啦!
炸乳鴿及軟殼蟹,可說係香口小食,炸得唔太乾,恰可.
當然咁多肉過後要點些少魚,當日之野椒炒鱔片雖然魚肉唔係太厚,不過確實惹味,野椒亦爆香得不俗,配白飯啱路數
食了咁多肉,一個冬林素菜就剛剛好., 大大舊冬瓜會一些菇類在內,味道清淡而冬瓜正值消暑,三四個人都夠食.
最後係來一碟傳統之潮式河粉---沙爹牛肉炒河.潮州人何時用沙爹就不知道,但看維基百科所寫,可能由南洋的華僑或阿拉伯人發明的,而福建及潮州之沙爹製法係有點分別.而據得媽媽所講,在五六十年代之潮州人家中,非常喜歡用沙爹來打邊爐食牛肉食牛丸,當時之牛肉非常鮮味,我媽媽都話現在點都食唔到.........
講番呢度,個河粉炒得唔肥,沙爹同河粉亦夠滑,最緊要係菜心夠多,平衡得好,再加上牛肉彈性纖維皆實在,這正是我想要的.
此店已在"我會再去食"之食店名單之一,今餐我覺得非常滿意,特別係個乾淨的鵝腸,這個是我咁耐以來在飯店中食過之鵝腸中算係最乾淨的.
  ![]() 
|
登入
會員登記
