河馬仔hiphip3678
註冊於: 30/08/2004
發帖數目: 6147 |  發表於: 2010-11-23 on 02:46
桃井晴子今次來港開演唱會,其實有唔少動漫迷都好期待.她除了為動畫聲優外,本身亦在歌唱事業中發展約十年多,作曲作詞都得,而在動畫配音上以配<瀬戸の花嫁>的女主角人魚少女瀨戶燦最為人熟悉.
在國內外都有唔少fans的桃井晴子,今次來港的演唱會以秋葉原女神降臨作title,唱的歌當然大多和動畫或以秋葉原為題材的歌曲有關.一開場個陣到尾都係由佢一力在台上表演,可算係非常落力.
開場個陣用數首快歌行先,桃井晴子以一個有如"水手服公主"的裝扮登場,原來睇番係好近似佢的歌<ゆめのばとん>的造型,感覺都幾貼近今次演唱會的主題.
全場不停又跳又唱,落力之餘亦非常懂得製造氣氛,全場唱了十數首歌,快歌好多,節拍強勁,亦發現桃井晴子唱歌都有幾種唔同的風格,如萌系聲線及rock的風格等等.桃井晴子把聲亦好厚,唱rock個陣中氣十足,最令我有深刻印象有<ワンダーモモーイ>,<瀬戸の花嫁>主題曲『Romantic summer』,<涼宮ハルヒの憂鬱>插曲,<21世紀>等等...
而中間都有唔少的與歌迷對話的時間,雖然全程接近全用日文,講一些來香港的小趣事及秋葉原之事物等等,但全場的歌迷都大多懂日文,冇乜問題.而全場亦有一些來自日本的歌迷親自來港觀賞,大家氣氛融洽.
當然全場男性觀眾較多,估計男女比例約二十比一,雖係咁,但在演唱會中觀眾都睇得好投入,完場時亦有一幕感動的場面,令觀眾有個幾深的印象.
其實香港對日系動漫的喜愛程度其實某程度上都拍得住日本,相信日本的聲優也好歌手也好在香港亦都受到唔少支持者的歡迎,相信這股熱潮都唔會減退呢.
  ![]() 
|
登入
會員登記
