|
 | Hi Anonymous
|  | 免費會員登記
|  | 如有任何疑問，
按此可直接與船主聯系。 |
歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 ， 年 費 費 用 為 港 幣 1,700 元 正， 人 民 幣 1,600 元 正 。
月 費 費 用 為 港 幣 350 元 正， 人 民 幣 300 元 正 。
各 會 員 可 以 經 Fax 或 網 上 申 請，方 法 請 查 看 登 記 辦 法
| |
|
|
|
|  |
|
| Author |
(河馬仔專欄)12月1日《涼宮春日的消失》觀後感+賽馬分析 |
河馬仔hiphip3678
註冊於: 30/08/2004
發帖數目: 6147 |  發表於: 2010-12-01 on 01:45
總監督 : 石原立也
動畫主要演員(配音) : 阿虛(杉田智和) 涼宮春日(平野綾) 長門有希(茅原實里) 朝比奈實玖瑠(後藤邑子) 古泉一樹(小野大輔)
故事大鋼 : 其實如果係該《涼宮春日》系列FANS的話,應該都冇乜需要講呢,其實內容大約可在漫畫書中呢幾期搵得到...
但我都嘗試形容一下,就是主人翁普通人阿虛版涼宮春日找了入去有異能的長門有希,朝比奈實玖瑠,古泉一樹參加的SOS團後多次發生怪異事件,經歷不少後今次講到在聖誕前的故事,有一天當阿虛醒來的時候,突然發現整個世界自己所知的世界有所不同,究竟幕後是誰作怪?阿虛又如何應對???
觀後感想 : 其實一開始時唔係播此片,而係播了「世博」阿聯酋館的動畫短片,雖然事前唔知道有呢個短片,但片內介紹了不少阿聯酋的景象及風土人情,能令年輕的觀眾對阿聯酋這地方有所認識呢,而且短片算明快,感覺簡簡單單.
當然要講番此片啦,其實大約而言可算是電視動畫<涼宮春日的憂鬱>的延續呢.雖然之後曾播過勁有循環味道之<漫無止境的八月>的一章而大獲網民「積極評論」,但今次此動畫電影的魅力無論在日本及香港亦吸引不少動畫FANS入場呢.至少我當日星期六想買飛入場都沒有,只好買星期日的票,仲要係坐頭行.
當然此片有讚有彈的地方,片長都有約兩個半鐘,但睇落節奏感其實唔慢,當然以電影而言,主角阿虛的吐糟句子感覺上又略為多了點,不過由於係主角的特色,相信入場睇的朋友都唔會太介意.有些地方的確略為覺得不夠細緻,如一些過場的情境會出現一少段時間的停頓,連貫感確實可再做好一點.而第二樣想講的相信就是此片的OP及ED,講真都覺得可花更多的心思去處理,「冒険でしょでしょ?」的OP可做得更加熱鬧,而ED的「優しい忘却」其實可做多少少如雪景的BACKGROUND,這樣做會更引人入勝,但原來發現片尾曲「優しい忘却」清唱比有音樂仲好聽.........而大家亦唔好唔聽埋ED就離開戲院,係睇戲的好習慣來,有時唱歌唔等於完的嘛...
當然讚的地方肯定唔少,第一就是節奏能在如此長篇下維持一個穩定的解說速度,在觀眾而言已算容易觀畢全程.第二就是劇情推進及流程雖然有點繁複及緊密,但全場解說算係清楚,對有睇開涼宮春日的人士而言理應不會產生太大負苛.第三就是一些懸疑場面處理得唔過火,令人睇得自然.
至於各個主角在描寫方面,由於都寫到明係《涼宮春日的消失》,涼宮春日的出場固然係有少少的調整,而最突出就一定講到長門有希,人物的描繪,特別是在普通的長門有希的一方,感情的表達及話語間的輕重又確實令觀眾產生共鳴感,有一幕最令我窩心就是交回文藝部申請表的一場,隻手的幾下動作卻既細膩有令人動心,有種難以釋懷的感覺.
當然全片可算由頭到尾算係精彩,感覺此片較為FANS向,未睇過《涼宮春日》系列的朋友應該補完一下此作的資料(如動畫漫畫等等)入場,否則可能未必如此易明一些笑位及關鍵點.但以一套動畫劇場版而言可算是高水平了.
看板娘---Mary CHAN---對《涼宮春日的消失》之評分:
*(圖中所述之看板娘人名純屬虛構、如有雷同、實屬巧合。)
回到家後不知為何,睇完此片後就諗起呢本漫畫<長門有希ちゃんの消失>呢,劇情有點似,但係就是攪笑版.
河馬仔第二,三,五,八場心水選擇:
(馬場樂子代筆)
第二場 :
11. 閃耀小子 - 上場被視為大冷門當然合理,而全程外疊冇遮擋下最後都輸得唔遠確是有所進步,而該場之進取都走外疊下都同樣唔得,故此確可秤先少少.巫斯義如跑得好個陣有時都可以如上年之幸運精英入第二般高水準.加上此駒之同母馬CHILKAT在港之前亦有不少短途贏得之馬,特別是方嘉柏亦有訓練過同母之特區寶,按理有值得留意之點.
是場心水 :
11. 閃耀小子 - 1. 太極至尊 - 9. 夢寐以求 - 8. 好友星威
第三場 :
4. 連戰連勝 - 此駒係要自製步速走散對手才有勝算,否則真係連PLACE都可以唔多駛預.上場一放到底之下姿勢其實有氣勢,今仗有好檔下更加安全,而晨操眼見此駒冇瘦之餘馬身有肌肉紋路及毛色油潤,勝望比上場更高.
是場心水 :
4. 連戰連勝 - 1. 電訊巨星 - 9. 辣得喜 - 5. 龍船旺
第五場 :
9. 駔驍駿駒 - 此馬眼見細細隻谷草啱哂,講真型格真係有D似同廄隻駟馬難追,跑姿都係差唔幾.柏寶繼續騎此駒可能係看準此駒狀態仍好.29號柏寶快跳三段力度貫注之餘亦唔急,此駒衝程真係略嫌短之下看來此程最穩陣.
是場心水 :
9. 駔驍駿駒 - 3. 勝利就手 - 2. 匯名燈 - 1. 勁勇士
第八場 :
6. 精算攻略 - 此駒現時一六五零點都係首本路程,而今年真係慢慢推進,由第一場馬身肥夾圓後越跑越收得紮實,到今次晨操睇落隻馬步伐已唔重,看來今仗主要對手其實都博得唔少,此駒跑法亦較有彈性,今場主要放頭應得奪寶一隻,就算8檔都有埋欄機會.
是場心水 :
6. 精算攻略 - 8. 驚喜 - 5. 鵬力洋洋 - 2. 奪寶
是日三場全餐博冷門Q膽 :
(馬場彩珠代筆)
第二場 : 11. 閃耀小子
第五場 : 9. 駔驍駿駒
第八場 : 6. 精算攻略
到了冬天了、白色都是冬季其中一種主色呢!而浪漫及溫馨的氣氛總會為冬季增添了絲絲暖意.
今次<河馬仔專欄>為了多謝各位長期支持、迎接這個浪漫冬季、看板娘---馬場樂子再次登場。今次WALLPAPER主題為「暖意白色聖誕」、繼續支持充滿心思及愛之同人創作。
今次由河馬仔出品、由同人組織FINGER AND FISH之畫師HECO繪製而成。以<共享創意 署名-非商業性 3.0 香港 授權條款>發放。
  ![]() 
|
河馬仔hiphip3678
註冊於: 30/08/2004
發帖數目: 6147 | 發表於: 2010-12-03 on 00:46
是日河馬仔心水選擇及賽果由看板娘---馬場樂子及馬場彩珠為大家報導:
(中第三,五場連贏及第八場三重彩!)
河馬仔第二,三,五,八場心水選擇:
(馬場樂子代筆)
第二場 :
11. 閃耀小子 - 上場被視為大冷門當然合理,而全程外疊冇遮擋下最後都輸得唔遠確是有所進步,而該場之進取都走外疊下都同樣唔得,故此確可秤先少少.巫斯義如跑得好個陣有時都可以如上年之幸運精英入第二般高水準.加上此駒之同母馬CHILKAT在港之前亦有不少短途贏得之馬,特別是方嘉柏亦有訓練過同母之特區寶,按理有值得留意之點.
是場心水 :
11. 閃耀小子 - 1. 太極至尊 - 9. 夢寐以求 - 8. 好友星威
第三場 :
4. 連戰連勝 - 此駒係要自製步速走散對手才有勝算,否則真係連PLACE都可以唔多駛預.上場一放到底之下姿勢其實有氣勢,今仗有好檔下更加安全,而晨操眼見此駒冇瘦之餘馬身有肌肉紋路及毛色油潤,勝望比上場更高.
是場心水 :
4. 連戰連勝 - 1. 電訊巨星 - 9. 辣得喜 - 5. 龍船旺
(中連贏派$54.0)
第五場 :
9. 駔驍駿駒 - 此馬眼見細細隻谷草啱哂,講真型格真係有D似同廄隻駟馬難追,跑姿都係差唔幾.柏寶繼續騎此駒可能係看準此駒狀態仍好.29號柏寶快跳三段力度貫注之餘亦唔急,此駒衝程真係略嫌短之下看來此程最穩陣.
是場心水 :
9. 駔驍駿駒 - 3. 勝利就手 - 2. 匯名燈 - 1. 勁勇士
(中連贏派$48.0)
第八場 :
6. 精算攻略 - 此駒現時一六五零點都係首本路程,而今年真係慢慢推進,由第一場馬身肥夾圓後越跑越收得紮實,到今次晨操睇落隻馬步伐已唔重,看來今仗主要對手其實都博得唔少,此駒跑法亦較有彈性,今場主要放頭應得奪寶一隻,就算8檔都有埋欄機會.
是場心水 :
6. 精算攻略 - 8. 驚喜 - 5. 鵬力洋洋 - 2. 奪寶
(中三重彩派$1010.0,單T派$108.0,連贏派$159.0)
是日三場全餐博冷門Q膽 :
(馬場彩珠代筆)
第二場 : 11. 閃耀小子
(唔中)
第五場 : 9. 駔驍駿駒
(唔中)
第八場 : 6. 精算攻略
(中連贏派$159.0,成本$10注要$110.0,+$49.0)
![]()
|
|
 |
|
  
|
|
|
|
登入
會員登記
