|
 | Hi Anonymous
|  | 免費會員登記
|  | 如有任何疑問，
按此可直接與船主聯系。 |
歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 ， 年 費 費 用 為 港 幣 1,700 元 正， 人 民 幣 1,600 元 正 。
月 費 費 用 為 港 幣 350 元 正， 人 民 幣 300 元 正 。
各 會 員 可 以 經 Fax 或 網 上 申 請，方 法 請 查 看 登 記 辦 法
| |
|
|
|
|  |
|
| Author |
(河馬仔專欄)1月16日在家隨意打邊爐+賽馬及三寶心水 |
河馬仔hiphip3678
註冊於: 30/08/2004
發帖數目: 6147 |  發表於: 2011-01-15 on 17:20
今次稍為讓馬場兩姊妹放下假,河馬仔出來執番支筆寫番先...
呢幾日天氣寒冷,打邊爐可算是香港人聚會的其中一項熱門活動,當然出街都可以食得好豪華,但小弟就最喜歡在屋企打邊爐,皆因洗得乾淨之餘而且真係可以好freestyle,鐘意點食又得,又唔駛急住還枱俾人,仲要係屋企食個陣永遠都可以坐得舒舒服服,和家人開開心心,自由地一起聚埋食下野傾下計,點都係屋企食永遠最令人感到安心.
當然在家整個陣真係可以好多變化,但小弟通常都係用煤氣爐煲一些魚蛋及白蘿蔔等等,等佢地滾好後才拿出去用GAS爐再煮.
但小弟家人的習慣,就是一定開支酒一路食,一些細紅酒也是我們的至愛.現時較喜歡在超市都買得到的Château Méaume也會常飲的,雖然價錢大眾化,但飲落卻是感覺豐厚果味亦豐盈,而小弟唔飲酒時都會開罐SODA WATER過下口呢.
而醮醬方面,現時小弟一家已唔敢食生雞蛋,改而用WASABI加日本豉油.不過,呢樣野就一定唔少得呢.
XO醬除了俾到辣味之外,還往往會令一些菜及肉丸類食物之食味有所提升,每次通常都可用上半罐啦.
而在肉方面,牛肉及豬肉片同樣都係唔少得的,而小弟通常都會在超市買就算了,簡單一點嘛,而買勁貴的肉來打邊爐有時可能因火侯控制有偏差的時候會可能浪費.相對鮮牛而言,肥牛較有一種豐足感,當然不能選一些過肥啦,而豬肉用梅頭肉片(肩胛肉)帶點點脂肪,打邊爐亦合適.
但我發現有些海鮮真的不能下去打邊爐,如日本人常用作剌身的牡丹蝦,熟了後雖然蝦膏好食,但肉質會偏硬,故此個人而言的確不宜用作打邊爐.
而之前講過的魚蛋在青衣的濕街市買的,魚蛋發得大大頗彈牙,亦買了一些牛根餅,牛根丸及細細粒的鮫魚蛋等等,唔搶味之餘亦夠咬口,當然亦要配上冬天最合打邊爐的白蘿蔔才令湯更多樣化,亦能吸收肉的鮮味.
但海鮮的確唔少得,平時魚片食得多,可以試試用原隻鮮墨魚切片後,在煲內碌幾碌便可.入口非常爽脆亦夠鮮味,風味小弟覺得較魷魚為佳,但最緊要切得夠薄.
當然煮肉接近尾聲時加菜係需要的,生菜及皇帝菜也是好好的選擇,最緊要又係唔好過熟,否則唔夠爽脆.
乜都食完時,煲湯先係精華中的精華,在電飯煲中取出熱飯加入,真係一餐之完美句號啦.
當然打邊爐真係可以想點樣食都可以,亦能考考大家的創意,為每次的打邊爐帶來不同的特色,相信會創出不同的風味呢!
河馬仔第六,八,九,十場分析:
(馬場樂子代筆)
第六場
今場都幾明顯係『醒目精英』惡鬥『多利皇』,而且同場對手之實力及狀態好明顯在呢兩駒之下.『醒目精英』上次輸意外之下唔騎都可以跑贏唔少馬,『多利皇』看腳法加程應可再加強威力,而今場實際快馬唔太多,看來要求冷未必如此容易.
是場心水 :
6. 醒目精英 - 7. 多利皇 - 3. 快利多 - 13. 新三刀王
第八場 :
全場快馬其實唔少,特別預期排13檔之『神州八號』,可能會帶埋一堆如『一路順風』,『自家威』『輕越直前』拉快步速,但埋欄的好有機會係隻『勁快』.而今場以後上馬而言實力唔弱,只係有些賽駒晨操感覺唔太銳而已.當然在泥地場次時多數都係睇適應性為主.今場晨操最為令人起眼的就是『確威星』,上仗居後之下都敗象已呈,但追起上來有板有眼之餘,仲要係頂得住一埋同場泥地好手如『勁飛馳』『神殿』之衝刺,仲要上場轉彎時的擠碰意外卻令此駒失地極多,今次增程亦有好明顯之優勢.
是場心水 :
8. 確威星 - 12. 善戰 - 6. 心歡笑 - 2. 勁飛馳
第九場
整體全場實力值三班中班組合,冇乜一隻可以有明顯突出之優勢,特別係充斥一堆三班特形勢甚至係減分份子.橫睇掂睇都係一些能力三班高水準賽事入圍之馬如『傾力之城』會較穩陣.再加上真正快馬實際偏少,對一些外檔跟好位之馬如『如願以償』『福將臨門』未必有太大優勢.今場選配腳宜各一些質新馬研究,特別係隻多場走位欠佳之『按一按』,還看此駒今場能否現真身.
是場心水 :
1. 傾力之城 - 2. 按一按 - 13. 龍勝 - 8. 化工之昇
第十場
今場星光熠熠,特別係一堆四歲馬.潛龍伏虎如『何方神聖』『一言為定』『人人興旺』確是有擺下擂台之勢,就算今場蔡廄四路興兵之下實力皆有見盡或晨操狀態欠佳等等.相反方廄之『喜競寶寶』試閘後加眼罩明顯上力好番好多,當然今仗最強之『何方神聖』真係不能忽視,上仗能在接近不可能之境地中如飛衝上,這些跑法唔係普通賽駒能做得到的,晨操已唔覺太肥太鈍,看來有好多分在手,應是今次四歲大賽要角!
是場心水 :
10. 何方神聖 - 12. 人人興旺 - 6. 一言為定 - 4. 喜競寶寶
是日全日全餐博冷門Q膽 :
(馬場彩珠代筆)
第八場 : 8. 確威星
三寶心水 : (共27注,$10注要$270)
第八場 : 6. 心歡笑 - 8. 確威星 - 12. 善戰
第九場 : 1. 傾力之城 - 2. 按一按 - 13. 龍勝
第十場 : 6. 一言為定 - 10. 何方神聖 - 12. 人人興旺
今次唔係玩街機的點不同遊戲、真係有「歡欣創作夢---攪笑版」出現啦。
上次的「歡欣創作夢---美夢版」
「歡欣創作夢---攪笑版」當然要有埋攪笑點子才會諗得到好笑好睇的故事、Mary CHAN今次繼續一路向創作夢前進、希望為大家寫下一個又一個好笑點子、期望能為香港帶來開心歡笑。
本WALLPAPER亦有參加今次CW31的投稿比賽、希望各位多多支持Mary CHAN呢！
今次由河馬仔出品、由同人組織黑蛛白蛛繪製而成。以<共享創意 署名-非商業性 3.0 香港 授權條款>發放。
*(圖中所述之看板娘人名純屬虛構、如有雷同、實屬巧合。)
  ![]() 
|
JimmyMa
註冊於: 29/09/2006
發帖數目: 5345
| 發表於: 2011-01-15 on 18:57
河馬兄，真係羡慕你，食極都唔肥，仲有如果我食完依餐，啲胆固醇升過7都似！你係得嘅！ 
|
船主~~home
註冊於: 13/03/2002
發帖數目: 9231 | 發表於: 2011-01-15 on 22:51
睇見都想食。
但你個湯底沒有加任何調味??
|
亂買sir (hinchung)hinchung
註冊於: 26/10/2005
發帖數目: 4079 | 發表於: 2011-01-15 on 23:41
不如搵日打邊爐啦！ 
|
河馬仔hiphip3678
註冊於: 30/08/2004
發帖數目: 6147 | 發表於: 2011-01-16 on 21:43
Quote:
|
On 2011-01-15 18:57, JimmyMa wrote:
河馬兄，真係羡慕你，食極都唔肥，仲有如果我食完依餐，啲胆固醇升過7都似！你係得嘅！
|
|
唔啦,我都係一個月食唔到一餐呢
![]()
|
河馬仔hiphip3678
註冊於: 30/08/2004
發帖數目: 6147 | 發表於: 2011-01-16 on 21:44
Quote:
|
On 2011-01-15 22:51, home wrote:
睇見都想食。
但你個湯底沒有加任何調味??
|
|
清水而已 
![]()
|
河馬仔hiphip3678
註冊於: 30/08/2004
發帖數目: 6147 | 發表於: 2011-01-16 on 21:45
Quote:
|
On 2011-01-15 23:41, hinchung wrote:
不如搵日打邊爐啦！
|
|
好呀,不如等船主發起啦
![]()
|
河馬仔hiphip3678
註冊於: 30/08/2004
發帖數目: 6147 | 發表於: 2011-01-16 on 22:18
是日河馬仔心水選擇及賽果由看板娘---馬場樂子及馬場彩珠為大家報導:
河馬仔第六,八,九,十場分析:
(馬場樂子代筆)
第六場
今場都幾明顯係『醒目精英』惡鬥『多利皇』,而且同場對手之實力及狀態好明顯在呢兩駒之下.『醒目精英』上次輸意外之下唔騎都可以跑贏唔少馬,『多利皇』看腳法加程應可再加強威力,而今場實際快馬唔太多,看來要求冷未必如此容易.
是場心水 :
6. 醒目精英 - 7. 多利皇 - 3. 快利多 - 13. 新三刀王
第八場 :
全場快馬其實唔少,特別預期排13檔之『神州八號』,可能會帶埋一堆如『一路順風』,『自家威』『輕越直前』拉快步速,但埋欄的好有機會係隻『勁快』.而今場以後上馬而言實力唔弱,只係有些賽駒晨操感覺唔太銳而已.當然在泥地場次時多數都係睇適應性為主.今場晨操最為令人起眼的就是『確威星』,上仗居後之下都敗象已呈,但追起上來有板有眼之餘,仲要係頂得住一埋同場泥地好手如『勁飛馳』『神殿』之衝刺,仲要上場轉彎時的擠碰意外卻令此駒失地極多, 今次增程亦有好明顯之優勢.
是場心水 :
8. 確威星 - 12. 善戰 - 6. 心歡笑 - 2. 勁飛馳
第九場
整體全場實力值三班中班組合,冇乜一隻可以有明顯突出之優勢,特別係充斥一堆三班特形勢甚至係減分份子.橫睇掂睇都係一些能力三班高水準賽事入圍之馬如『傾力之城』會較穩陣.再加上真正快馬實際偏少,對一些外檔跟好位之馬如『如願以償』『福將臨門』未必有太大優勢.今場選配腳宜各一些質新馬研究, 特別係隻多場走位欠佳之『按一按』,還看此駒今場能否現真身.
是場心水 :
1. 傾力之城 - 2. 按一按 - 13. 龍勝 - 8. 化工之昇
第十場
今場星光熠熠,特別係一堆四歲馬.潛龍伏虎如『何方神聖』『一言為定』『人人興旺』確是有擺下擂台之勢,就算今場蔡廄四路興兵之下實力皆有見盡或晨操狀態欠佳等等.相反方廄之『喜競寶寶』試閘後加眼罩明顯上力好番好多,當然今仗最強之『何方神聖』真係不能忽視,上仗能在接近不可能之境地中如飛衝上,這些跑法唔係普通賽駒能做得到的,晨操已唔覺太肥太鈍,看來有好多分在手,應是今次四歲大賽要角!
是場心水 :
10. 何方神聖 - 12. 人人興旺 - 6. 一言為定 - 4. 喜競寶寶
是日全日全餐博冷門Q膽 :
(馬場彩珠代筆)
第八場 : 8. 確威星
(唔中)
三寶心水 : (共27注,$10注要$270)
第八場 : 6. 心歡笑 - 8. 確威星 - 12. 善戰
第九場 : 1. 傾力之城 - 2. 按一按 - 13. 龍勝
第十場 : 6. 一言為定 - 10. 何方神聖 - 12. 人人興旺
(唔中)
![]()
|
|
 |
|
  
|
|
|
|
登入
會員登記
