|
 | Hi Anonymous
|  | 免費會員登記
|  | 如有任何疑問，
按此可直接與船主聯系。 |
歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 ， 年 費 費 用 為 港 幣 1,700 元 正， 人 民 幣 1,600 元 正 。
月 費 費 用 為 港 幣 350 元 正， 人 民 幣 300 元 正 。
各 會 員 可 以 經 Fax 或 網 上 申 請，方 法 請 查 看 登 記 辦 法
| |
|
|
|
|  |
|
| Author |
《河馬仔專欄》新加坡馬場遊記 |
河馬仔hiphip3678
註冊於: 30/08/2004
發帖數目: 6147 |  發表於: 2011-03-20 on 02:13
上次去新加坡睇馬都成5年前了,當時自己還是在外國交流的大學生,夜晚自己一支公坐車去馬場,結果搞到凌晨十二點坐的士(當地叫做德士),仲要加50%收費..........今次小弟就多左兩位一齊去馬場,係我的爸爸媽媽.
自4歲懂事後就常常見到馬匹在幼稚園附近的馬路行過的我,從小就開始喜歡賽馬了.雖然一路以來自己的賽馬知識只係在電視節目及馬報中取得,當然自己對賽馬就肯定係一知半解,但仍舊對賽馬非常喜歡.而每次到外地的時侯如有機會都好想和父母一起感受下賽馬的喜悅.幸好父母皆對賽馬有深厚的興趣,所以一有賽馬的題目便會講過不停.咁啱今次過到新加坡,點都要去一去當地的克蘭芝馬場.
馬場唔近市中心,在烏節路站要坐接近45分鐘才到達.克蘭芝名字的由來原來係以一棵當地的樹來做命名.現時主要為住宅區,有點似香港的火炭.入到站內其實夜晚人流都唔係太多,而入到門口人就更加唔太多.
場內都有唔少的節制賭博的BANNER.
入場時都有馬報馬簿賣,馬報就$1份,馬簿就$4份,同香港差不多.自己就買了一本叫做《馬友指南》的馬簿.有彩色頁而資料係黑白,廣告不多,和香港的比較會較傾向資料性的.由於當地係有澳洲的賽事轉播,故此亦有個別澳洲賽馬的指南...
買入場票有下面冇冷氣的普通公眾席,及樓上有冷氣的大堂.如要用現金俾的話下面要$4上面要$8一個人(新加坡元,港元大約係$6兌新加坡元$1),當日小弟一家就當然上去有冷氣的地方啦.
上面有冷氣坐得舒服,一邊播普通話一邊播英文評述,場內有投注COUNTER外還有和香港差唔多的自助機.可以睇住衝線.坐的地方面向大玻璃見住大直路.電視有時都會有晨操片睇.而個場有草地外,還有泥地同埋膠沙地賽道.當然係睇住起步就最震撼啦!
而想睇沙圈的話,係可以出去睇完再拿回高座入場劵回來.另一發現就係原來入到沙圈入面都唔同香港般需要穿西裝之類的.當日都見到好多入沙圈的人都會穿當地服飾的...
當跑馬時多數會回冷氣大堂,原來跑完後都會睇得到係大堂前面覆磅,拉頭馬,頒獎等等
當然當晚去到,一定係好期望見回昔日一些和香港賽馬有關的面孔...講講下都係好惦念住他們,如三冠馬王"翠河"的前香港練馬師許怡現已在當地發展近五年...
而當日小弟最想見到的一位就係呢場出現呢!
他當晚的參賽馬就只有一匹 --- 西部飛行
當場亦見到新加坡之短途代表馬"火箭人"的練馬師紹爾...(原來當地1200米時間紀錄仲係香港代表馬蓮華生輝,係1分07秒84)
而大家又認唔認得佢地?兩位都係香港騎過馬的,後面一位都應該好多人記得,係99-00年的冠軍騎師
不如下圖開估啦
當然自己最想見到的,就係小弟最喜歡的本地馬壇之星,亦係小弟心目中的最勁冠軍騎師.經常帶住燦爛笑容的7屆香港冠軍騎師馬佳善!雖然數目上佢唔係拿得最多的冠軍騎師殊榮,但永遠都是吸引我們一眾90年代的馬迷...
亦見到之前來港客串的騎師莫雷拉
眼見馬佳善可能從事騎師行業多年,難免都有點寒背.但他的專注及風采卻是沒有改變呢.當晚此駒未出來之時已見馬佳善在沙圈中望實此駒亦打點賽駒一切的裝備,而沿途行沙圈時亦和騎師討論良久.
最後亦不負大熱門之眾望順利勝出,實屬可喜可賀!
雖然查回近期資料,直至寫稿當時,原來開季到現在馬佳善和許怡都只係贏了四場.但馬佳善的馬房多行精兵制,勝出率接近一成多,而許怡就接近半成.在此祝願他們的成績能蒸蒸日上!
最後總結一下對該馬場的感覺,當然該馬場的規模沒有香港般大.單單觀察而言入場人數亦唔係如想像般擠擁,和香港的熱鬧程度相比係不能相題並論的.而當地馬迷而言算係多種族,無論華人,馬來人等等都會入場投注.不過,和全世界的賽馬事業一樣,同樣要面對一個重大的問題,就係"賽馬人口老化"的現象.按小弟當天所見,差不多場內最後生的就係拿住相機拍照的小弟.而場內睇賽事的朋友都大多上了年紀,有唔少更加係白髮蒼蒼,看來賽馬人口老化問題在新加坡亦是一個要面對的難題來.
再者,其實唔知係唔係世界上個個馬場都係咁,輸左D飛就一切隨風.在香港見到通地都係兌唔到錢的彩票一點都不出奇.但在新加坡的馬場所見,呢類場景亦唔係少.
散落的一張又一張的彩票形成了一朵又一朵的花朵,跌落草叢中等工作人員採集放回垃圾箱...
而亦如上圖所見,無論上層定下層都有唔少馬迷都會踎係欄杆睇馬行沙圈.其實同係香港投注站門口踎係度拿住馬經的賽馬FANS都係差唔多.而當馬匹衝刺時,小弟就會聽到大量普通話,馬來話或英文的呼喚,當然跑完後梗有唔少的"親切問候"語言會到處聽得到.其他國家的馬場小弟就未體驗得太多,所以好難下定論呢.
不過和五年前比較,小弟都覺得新加坡克蘭芝馬場雖然變動好似唔太多,但至少個大螢光幕又大又好得多.猶記得五年前小弟入場時,睇住個較細的螢幕都唔係好知邊隻跑出,至少五年後我睇個螢幕就清楚好多!
五年前的螢幕及場內光景(2006年下層公眾席)
今年的螢幕(2011年上層)
期待在未來的十年亞洲的馬場,無論在軟件或硬件上都會有進步,從而令賽馬這個歷史悠久的活動在時光中繼續發光發亮.
兔年來臨、在此祝大家新一年身體健康、鴻福齊來。
適逢今年的農曆新年期間亦會有同人活動舉行、看板娘MARY CHAN亦希望和大家分享這份喜悅、一起感受新年新氣象。今次MARY CHAN COSPLAY了馬場樂子的賽馬看板娘衣服、祝願大家開心又快活、亦如左上角的揮春般願望成真。
今次由河馬仔出品、由同人組織Maid in China之畫師Bluelight繪製而成。以<共享創意 署名-非商業性 3.0 香港 授權條款>發放。
  ![]() 
|
JimmyMa
註冊於: 29/09/2006
發帖數目: 5345
| 發表於: 2011-03-20 on 11:33
一個字 " 正 "! 
|
船主~~home
註冊於: 13/03/2002
發帖數目: 9231 | 發表於: 2011-03-20 on 12:23
河馬仔，我係商報既專欄叫「玩樂人生」，似乎個專欄要比你寫了~~
成個trip使左幾錢??我一直都去行下。
|
河馬仔hiphip3678
註冊於: 30/08/2004
發帖數目: 6147 | 發表於: 2011-03-20 on 23:37
Quote:
|
On 2011-03-20 11:33, JimmyMa wrote:
一個字 " 正 "!
|
|
多謝哂您讚噃 
![]()
|
河馬仔hiphip3678
註冊於: 30/08/2004
發帖數目: 6147 | 發表於: 2011-03-20 on 23:38
Quote:
|
On 2011-03-20 12:23, home wrote:
河馬仔，我係商報既專欄叫「玩樂人生」，似乎個專欄要比你寫了~~
成個trip使左幾錢??我一直都去行下。
|
|
成個TRIP每人約六千幾啦.
![]()
|
|
 |
|
  
|
|
|
|
登入
會員登記
