|
| Hi Anonymous
| | 免費會員登記
| | 如有任何疑問,
按此可直接與船主聯系。 | 歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,700 元 正, 人 民 幣 1,600 元 正 。 月 費 費 用 為 港 幣 350 元 正, 人 民 幣 300 元 正 。 各 會 員 可 以 經 Fax 或 網 上 申 請,方 法 請 查 看 登 記 辦 法
|
|
|
|
| |
|
Author |
2021-2022 暗度群倉 |
晒馬samana
註冊於: 08/03/2006 發帖數目: 3635 | 發表於: 2021-10-07 on 12:46
昨天粗粗聽嚇凸手的「屍正布膠」, 本港重上正軌, 好快就會從一個國際大都市發展成為超級南北大都會, 真系熱血沸騰, 喜极至泣.
恭喜晒新界北區的港人, 特別是古洞的PM兄台, 祠堂可以折現了, 看看今日的新界樓價地價又起來了, 坐定粒六啦!
今期心水馬:
R9#11元朗之星 w$1k (真鎗挑戰馬)
上季跑2,3都毋加分, 上仗跑第4就加了1分, 應該係到訂了. 黑田大難不死, 新界佬要沖沖喜!
觀光馬:
R7#12精彩生活
Lucky
 
|
funfun
註冊於: 12/09/2009 發帖數目: 208 | 發表於: 2021-10-09 on 01:40
Sam哥👍😆
 
|
晒馬samana
註冊於: 08/03/2006 發帖數目: 3635 | 發表於: 2021-10-13 on 14:51
以前有個李氏力場,鋪鋪都幫香港人遮風擋雨。
時移昜轉,可能地球的磁場有變化,也許是人為的因素對香港的運勢也產生微妙關係,力場也似係力不從心了!
有得跑,冇得跑,當然沒有什麼大不了,但係少咗心理力場的支撐,真係要慢慢適應。年紀大了,也不敢奢望力去力還,隨遇而安,自求多福,這樣打乜嘢風都無有怕啦!
 
|
晒馬samana
註冊於: 08/03/2006 發帖數目: 3635 | 發表於: 2021-10-15 on 13:08
古人說:一日不見,如隔三秋. 形容對相好的思念!
無左一個賽夜, 今日刨馬都好似生疏左添.
隻L隻都似去, 又似唔得咁.大賽日都係忍者歸啦.
挑戰馬, 揀隻埋門捨棄馬:
R10#5傳盛
上到90分了,似乎應該行人止步. 然連續3仗跑6-8名兼隔個暑假,評磅員居然1分不減. 應該是不敢輕視依個中坑. 今季初出也是有前有后打死罷就咁款. 系咪好似特首咁, 仲有得升呢?
如果今仗跑直路, 真係唔使睇就心水佢, 但係跑千二大外檔, 榜首几只如狼似虎, 都係睇下馬算了.
Lucky
 
|
晒馬samana
註冊於: 08/03/2006 發帖數目: 3635 | 發表於: 2021-10-19 on 14:35
好多馬迷都有「睇」波的愛好, 小弟雖然不常「睇」, 但之前也沉醉過一段.
以亞洲盤來說, 如果普通的賽事, 好經常開的一個盤是「主場讓半球」, 主場受讓的就會是下風隊了. 通常要去買時小弟都會買主隊, 觀賞起來很悅目, 不過戰績就麻麻. 反而之前有段時期玩過「食波餅」, 唔使講, 梗係執條下風波多啦. 反而睇依種波剌激得多, 睇住自己班「隊友」好似貞女咁, 被人圍住個龍門插, 拚死反抗頂住到有人吹雞解困, 好唔容易收番的壓惊費!
今日心水: R1#5小武士 W$1k真鎗挑戰馬
有說快活谷是方仔的主場, 好似也是幾醒咁, 修兄講佢喜歡幫老霍教仔, 霍仔夾方世叔都有3成几上名率, 霍仔到目前為止也是以快活谷才「出色」, 也有3成几上名率, 睇返依隻「小姆指」, 出過二次快活谷千二都近, 其他路程都乏足善陳, 真係有咁「竅」? 如果有咁多樣利主埸的因素, 又是受讓波(好賠率) , Why not?
觀光馬: R2#1綠續爆發 (同路就整條孖寶)
小結一下: 暫-$5,000-
Lucky
 
|
晒馬samana
註冊於: 08/03/2006 發帖數目: 3635 | 發表於: 2021-10-21 on 13:37
「小姆指」慢閘已經可以撕「飛」, 下次同程中內檔再睇吧!
計翻落今季大都投注了些五班和准五班馬, 吃了不少啞巴虧, 后面真係要審慎理財. 這些馬淪落至五班, 大都應該有多少問題, 以至常常失准. 好似我太太咁, 期前五天, 期間五天, 期后五天, 年輕時起碼有半個月是情緒化的, 近年踏入更年期, 似乎更加難以捉摸, 所以, 小弟在家都是不敢輕舉妄動的.
今期也是沒有什麼心水, 觀光挑戰馬:
R4#10飛天劍
上季后半段在希斯處蹭住蹭食, 都算是躺平了, 不出所料, 暑假拉倉. 丁仔今季開局進取, 相信這把劍也是磨亮才出鞘吧? 馬看似沒有什麼病痛, 評分大利, 路程合適, 應該是具備爭胜條件了. 不過霍仔沙田盲門, 丁霍首度合作, 轉廄初出,
多種數据指日待破, 小弟就壁上觀觀破破.
LUCKY
 
|
晒馬samana
註冊於: 08/03/2006 發帖數目: 3635 | 發表於: 2021-10-25 on 13:46
雖然霍仔贏馬兼沙田破處, 但沒有預期的的譽滿欄邊, 賽後丁叔叔的評語是:「開季至今我的馬房連贏五日,可以說是喜出望外,因為成績比預期好好多,我會繼續努力,更希望旗下質新馬可以接軌,為馬房建功。『飛天劍』上季在希斯馬房時可能狀態未起,後來轉入我馬房,評分下調了許多,已屆反彈之時。至於今季季初阿Luke霍宏聲在晨課曾經問我,能否為『飛天劍』操練,我當然成人之美,並且答應如果此馬出賽,會把帥權交給他。我覺得Luke是不錯的騎師,只是經驗較淺,始終香港競爭很激烈,但如果他可以保持進步,累積更多經驗後,相信將來會是出色的騎師。」 看來霍仔成績不佳也是有其內在深層次問題待決的.
今季騎練的新配合配搭, 好似各方都在積极嘗試出彩虹.
R6#11閃耀光芒 觀光挑戰馬
質新馬只上陣五次, 都在五位內回, 陣上蹄速有2仗都幾有水准, 可見馬長期有態兼分利, 上季一直交周同學主理得個近. 今季初轉了班得禮也是近, 今次韋出五駒四交周同學, 獨是這只交少有交收的何師傅操刀, 結合上仗的轉「手勢」, 似乎是幕后有些不耐煩了. 馬是夠照的, 泥地靠估, 或者咁樣才可以分多幾文啦, 好似昨天果把劍, 如果不靠霍仔的號召力, 派彩應該只得個位數!
今次同下次的賽事日夜場地顛倒, 經驗上又是難以預料的賽果, 且看且增識!
LUCKY
 
|
晒馬samana
註冊於: 08/03/2006 發帖數目: 3635 | 發表於: 2021-10-29 on 12:48
看來周同學畢業后也是需要一段适應調整期, 飛到馬到的黃金歲月就要靠自己努力去重現了, 師父畢竟是交游廣闊的高手, 始終也是要「顧全大局」的.
幾位新進廄主, 行船爭解纜, 季初成績不俗, 特別是丁仔的馬, 今季評分處於有利, 手法進取, 不少上陣馬一擊即中之余, 好几匹都是山雨欲來之勢, 相信手旺自摸糊還會持續到北風尾再執過位.
羅富記個「鍋」也是保持一貫水准, 假以時日「米其林」依個封號如探襠取物了.
今期觀光挑戰馬:
此乃前季老魔剩余物資,想那老魔老當益壯,雖后宮三千,臨別秋波,仍然未漏咗替「寶寶」開苞,其後歸附羅富記帳下,小羅血氣方剛,也是第一時間「米酒雞」,連位帶贏咁臁到盡。到上季中尾段升到二班,看看有些勉強啦,便亂跑路程隨便換人,希望快啲減分回頭再翻啅。點知比評磅員睇道條橋,1分1分咁減,有時仲會唔減。好唔容易,今仗又可以回到3班了,跑回專業路程配合服侍開的「皮公公」,雖然之前都係習慣晚上開工,忍左咁耐,今次日光白白可以仲激啲未定!馬圈乃英雄地,但從「寶寶」角度看來,羅富乃有情有義的專一郎君,你不見「寶寶」入了羅家,初出的架生至今一件都無換過,指定的「皮公公」在港贏馬就屈指可數咁滯,但係幫「寶寶」就贏咗3w2p,「寶寶」出場23次有11次由「皮公公」策騎,而且每次都在5位內回,可見「寶寶」夾「公公」就大家興奮,點都有啲嘢𥄫下的!
Lucky
 
|
晒馬samana
註冊於: 08/03/2006 發帖數目: 3635 | 發表於: 2021-10-29 on 12:53
R9#1南區寶 是也
 
|
晒馬samana
註冊於: 08/03/2006 發帖數目: 3635 | 發表於: 2021-11-01 on 15:18
現在全世界都開始「通貨棚」, 看來香港馬圈都有波及, 只見近日好多當打馬都要退役, 不知是否由於飼料起價太勁的緣由.
過去周日賽事, 三位新晉各折一桂, 看來修兄的新「碧科」概念股, 未必無厘頭.
昨天花邊風頭, 羅富記的馬伙記全部換上日式籃邊頭盔, 有識人士所言應收轉運壯陽之效, 小弟深以為然, 理論上店主改形象其用意當然用好, 潛意識上反映染指「米其林」心態, 故今季應該肯定富記的斗志如虹.
但唔知是否壯陽效力過強而導致心理壓力加重, 「大眾開心」被壓, 「南區寶」避壓, 均導致失P, 看來藥力真係有料到, 睇下點解調理下身子再沖剌.
今期觀光挑戰馬: R5 #7路路醒
羅富記新貴, 出戰每在3位內回. 開季二個月了, 仍然好整以暇. 侯准今次盃賽出手, 雖然榜首幾隻乃半准級際賽馬匹, 但不破不立, 如果無勇气挑戰, 咁「碧科」從何談起. 周日比小蔡試了「紅袍加身」, 相信今季合作更加「路路醒」.
Lucky
 
|
|
|
|
|
|