|
| Hi Anonymous
| | 免費會員登記
| | 如有任何疑問,
按此可直接與船主聯系。 | 歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,700 元 正, 人 民 幣 1,600 元 正 。 月 費 費 用 為 港 幣 350 元 正, 人 民 幣 300 元 正 。 各 會 員 可 以 經 Fax 或 網 上 申 請,方 法 請 查 看 登 記 辦 法
|
|
|
|
| |
|
Author |
文武6匹精選心水馬(附分析) |
文武geniusalex
註冊於: 13/08/2002 發帖數目: 1904 | 發表於: 2013-05-18 on 03:44
文武6匹精選心水馬(附分析)
第一場 3開心樂韻
今季兩場新馬賽大熱門均落第,如果信數據,揀單WP一定宜向非大熱之馬著手,查一查睇一睇,應該以「開心樂韻」最抵博。一來當然是依仗葉廄近來逢出必拚的雄心。二來是此駒上仗走勢確實不差,睇番駒上仗出閘後因為受碰撞而墮居尾列,前中段可以話係無跑過,但最後二三百米卻交出了相當對辦既走勢,22.56的末段,屬該場第三快,只比頭二馬為差,若然出閘不是受碰,此駒確有可能爆大冷入位。三來則是葉楚航鄭雨滇這對拍檔,前個賽馬日先合作起孖,上個賽馬再贏出一場,今日這對蜜月拍檔獨合作 埋門連拍兩課的「開心樂韻」,應該是不容看輕了。
第三場 6要風得鋒
依據生果報數據,近十場四班田草一千米,九次有初出馬上名,今場三匹初出馬分別為「安安良駒」、「金煌」及「要風得鋒」。先講「安安良駒」,試過兩課閘,一課大脫腳輸逾三十馬匹,一課亦跑尾二輸八個馬位,雖然試閘唔代表一齊,但差成咁又確實揀唔落,而且騎練十八次合作僅得三亞。至於「金煌」,生果話徐廄歷來H1初出馬為一冠二十九負,既然係咁,當然飛得。餘下來的初出馬只剩下「要風得鋒」,呢隻馬近兩課試閘,田草一千米個課閘,贏亞軍「佳音」而大勝「全因有你」逾七個馬位,「佳音」試完呢課閘後兩戰兩捷,至於輸得甚遠的「全因有你」亦兩出兩亞,所以該場冠軍「要風得鋒」當然值得重視,至於最近個課谷草一千米,係因為上仗曾退出而需要磨一磨,但該課閘,此駒只輸比九十九分、其後再出再贏的「加州金獎」,與其後的季軍馬足足有四個馬位的距離,可以講同樣係一課好既試閘,所以第三場一於揀佢。
第五場 4美麗昇華
「美麗昇華」接手之馬轉倉初出上名率高係人都知,但上名後能否連貫呢?答案是肯定的,睇番此廄今季先後有「喜蓮芳芬」、「牽動美麗」、「將男」及「美麗昇華」轉倉初出首仗即上名,當中前三駒翌仗再出分別獲一冠兩亞,因此,上仗跑第三的「美麗昇華」,今仗改配深受練者器重的楊明綸,今仗亦很有可能延續上名佳績。
第六場 5感恩
田草C欄千四米個一檔真係唔講得笑,今季十九場馬裡面,一檔馬得四冠四亞兩季五殿,換言之只有四駒不入前四名,可以講既係,只要唔係完全無戰鬥力既馬,排正呢個一檔,戰鬥力起碼高出幾成,而今次排一檔既正係「感恩」,睇番呢隻馬季內四戰千四米得冠季殿各一,只要唔係秘密既褪左料,照計今場都很有機會挾檔利入三甲。
第七場 4一言為定
「一言為定」近六戰得兩亞兩季一殿,只得一仗不入前四名,近態甚勇,基於此馬今季仍未交代,可以預期季內日子仍會谷盡求勝。路程方面,撇除一級賽不談,此駒先後八戰此程,得兩冠兩亞一季兩殿,只得一仗不入前四名。對待這匹真真正正態勇兼路合,無甚疑點的馬,列作馬膽看待亦是理所當然吧。
第十場 12飛躍之駒
如前所述,田草C檔千四米個黃金一檔,基本上識爬既馬都好有機會提升戰鬥力,而今仗抽中黃金一檔既係「飛躍之駒」,雖然呢隻馬早被定型為泥地馬,但實情係佢上季至今七戰田草,已先後三次爆冷上名,絕對唔係符碌。可恨係往績顯示此駒似乎未並非千四長力,但正如我所講,呢個一檔可以提升幾成戰鬥力,今仗用埋個有磅可減既蘇狄雄,若然能佔得貼欄慳位之力,相信有機會抵銷個二百米長力。隔晚有幾十倍分頭,尾場想扒冷,我既評語係但博無妨。
第一場 3開心樂韻
第三場 6要風得鋒
第五場 4美麗昇華
第六場 5感 恩
第七場 4一言為定
第十場 12飛躍之駒
 
|
修叔shimari
註冊於: 10/01/2004 發帖數目: 1541 | 發表於: 2013-05-18 on 18:28
特別喜歡第一場分析,很有水平。
文武兄,我建議再精簡一點。集中討論三場, 目標馬以一冷二熱,或一熱二冷皆可。每次都盡量要求自己分析簡而精,最後不要迷信深夜靈感泉湧,不要再做爆肝男,健康第一。
 
|
文武geniusalex
註冊於: 13/08/2002 發帖數目: 1904 | 發表於: 2013-05-19 on 01:54
Quote:
|
On 2013-05-18 18:28, shimari wrote:
特別喜歡第一場分析,很有水平。
文武兄,我建議再精簡一點。集中討論三場, 目標馬以一冷二熱,或一熱二冷皆可。每次都盡量要求自己分析簡而精,最後不要迷信深夜靈感泉湧,不要再做爆肝男,健康第一。
|
|
多謝修兄成為少數讀者之一...不是深夜靈感泉湧...是因為我番夜班..一點才下班..回到家已二時了..哈哈..所以不用擔心..當然..如果早日中馬..就可以番回早班了.. 靠晒你..
 
|
修叔shimari
註冊於: 10/01/2004 發帖數目: 1541 | 發表於: 2013-05-19 on 14:57
Quote:
|
On 2013-05-19 01:54, geniusalex wrote:
多謝修兄成為少數讀者之一...
回:你既文章點閱比我高幾倍,你太謙嘞。雖然唔太重要‥‥‥
不是深夜靈感泉湧...是因為我番夜班..一點才下班..回到家已二時了..哈哈..所以不用擔心..
回:咩野比金錢更重要!?你遲早會清楚。
當然..如果早日中馬..就可以番回早班了.. 靠晒你..
|
|
回:你我素未謀面,你肯定我靠得住 !? 再者,兩件事不能混為一談。
 
|
|
|
|
|
|
|
|